HSBC GLTc 面试经历

HSBC GLTc 面试经历人地话去完 面试 ,写翻篇面经可以赚人品.. 我都快D写翻一篇先.. 我过年之前一个星期递入去, 我系属于员工推荐果种来嘅. 过左年之后第二个星期, HSBC GLTc 就打电话来啦,叫我星期六去 面试 +笔试. 呢个同之前系网上面睇到果D面经都一样啦. 星期六, 大热天时, 我着到鬼咁靓仔成个西装友咁样去到中六果间HSBC度上4楼,亦即系5A. 入左去之后就有一个应该系HR嘅女仔带我去个电脑位度坐低..然后就打开个笔试嘅网页俾我就开始做了. 其实应该讲系机试. 机试分为4个part. 之前睇果D面经都已经有讲了. 考英文,考逻辑. 呢两个都一样. 但系可能因为我系来应聘JAVA 嘅SE. 所以呢次就多左两part 就系 JAVA同埋J2EE .. OMG..因为我一直做紧C#..我都没谂到距会马上考. 我都系谂住如果 面试 掂左先马上自学. 呢次大件事了. 考英语, 距就系NY TIMES度整左一篇文落来玩完形填空 四个单词选项都超难.. 20mins 20题 考逻辑, 好似系25mins 20题. 之后都好似系20mins 20题了. 逻辑还好.. 不过一定一定要记得问距地罗rough paper unless u r a genius. 由于没睇过书. 所以我估计我嘅最后两PART应该系all dead.. 讲到 面试 了. 以前嘅面经系jackson yu+技术人员来in你. 不过系前一晚. 我问左下系入面做嘅 F. 距就话jackson yu已经退休了.. 估计因为系咁样. 所以我个interview 就换左一个MM来同我in罗. . 距都系问左我一D好简单嘅问题. 仲要系全程用广州话来问, 搞到我反而唔识得点样答添..哈. 距其实都问左D咁嘅问题: 1.“你都应该有做功课知道我地公司啦,咁讲下点解你对我地公司咁有兴趣呢?” 2. 我睇你都做过一D项目啵,可唔可以证明一下,你可以work under pressure 3.可唔可以证明你系一个quick learner … 等等.. 反正就系不停叫我证明自己.. 最后.距就话,俾个suggestion你. 我觉得你唔够confident, 有时候polite系好. 不过如下一个面试官系一个好aggressive嘅人来咖.咁你点样同距对话阿? 原来呢个又系问题之一.. 系呢个 面试 里面. 其实用左时间唔系好长. 问嘅问题都唔系咩技术问题. 只系要证明俾距睇你系得嘅.就OK了. 另外 ..仲要有二面.. 呢个就真系要好好准备了. . 我已经收到2面嘅通知.. 星期六一面+机试. 星期五就接到电话了..话系下星期五二面.. 呢个效率都几高啵..呵呵.. 希望二面可以成功啦! 本文仅代表作者观点,与本站立场无关.